«Ньюкасл» вингери Энтони Гордоннинг «Барселона»га ўтганидан сўнг қанча маош олиши ҳақида маълумотлар пайдо бўлди. Diario SPORT хабарига кўра, футболчининг даромади «Барселона»га ўтгач, икки баробарга ошади.
Манбага кўра, 25 ёшли ҳужумчи янги жамоасида йилига тахминан етти миллион евро маош олади.
Эслатиб ўтамиз, Гордон 2023 йилдан буён «Ньюкасл» шарафини ҳимоя қилиб келмоқда. Ўтган мавсумда у барча мусобақаларда 46 та учрашувда майдонга тушиб, 17 та гол ва 5 та голли узатмага муаллифлик қилди.













