Мадриднинг “Реал” клуби футболчиси Винисиус Жуниор жамоадоши Килиан Мбаппе билан майдондаги ва ундан ташқаридаги дўстлиги ҳақида гапирди.

“Имконият бўлиши билан биз нафақат майдонда, балки ундан ташқарида ҳам дўстлардек бирга вақт ўтказамиз. У билан муносабатларимиз доим яхши бўлган. Ўз вақтида бизнинг жамоага ўтиши учун унга жуда кўп хабарлар юборганман.

Тўғри, ҳозирча биз хоҳлагандек юқори даражада ўйин кўрсатиш ва мухлисларимиз кутган чемпионликларни қўлга киритишнинг уддасидан чиқа олмаяпмиз. Бироқ яқин келажакда бу вазиятни ижобий томонга ўзгартира олишимизга ишонаман”, дейди Винисиус.

Шунингдек, футболчи Мбаппенинг ўзига бўлган муносабати ва уни қийин вазиятларда ёлғиз ташлаб қўймаслигини алоҳида таъкидлади.

“Мбаппе — жуда яхши инсон. У ўз интервьюларида мени доим ҳимоя қилади. Ҳатто "Бенфика" билан ўйиндаги ирқчилик можаросидан кейин ҳам менинг ёнимни олди. Килиан — "Реал"да бутун бошли янги даврни бошлаб берадиган афсонавий футболчидир”.

Эслатиб ўтамиз, аввалроқ Винисиус Жуниор “Барселона” юлдузи Ламин Ямал ҳақида ҳам ўз фикрларини билдириб ўтган эди.