Англия миллий терма жамоаси вингери Букайо Сака 2026 йилги Жаҳон чемпионати арафасида ўз жамоасининг кучи ҳақида фикр билдирди.
«Бизда жуда кўп кучли жиҳатлар бор. Терма жамоа ғалабаларга катта ташналик сезмоқда. Жамоада иқтидорли футболчилар кўп ва рақобат юқори даражада. Шу билан бирга, жамоада ажойиб муҳит ва мукаммал мувозанат мавжуд», — дея ҳужумкор ярим ҳимоячининг сўзларини келтиради ФИФА матбуот хизмати.
Жаҳон чемпионатининг гуруҳ босқичида Англия терма жамоаси Панама, Гана ва Хорватия терма жамоаларига қарши баҳс олиб боради. Мундиал 11 июндан 19 июлгача АҚШ, Канада ва Мексикада бўлиб ўтади. Амалдаги чемпион эса Аргентина терма жамоаси ҳисобланади.













