Каталониянинг «Барселона» клуби ҳужумчи Хулиан Альварес бўйича «Атлетико»га илк расмий таклифини юборди. «Кўк-анорранглилар» томонидан таклиф қилинган сумма — 100 миллион евро. Каталонияликлар келишувга ўз футболчиларини қўшмасликка қарор қилишди. Бу ҳақда инсайдер Фабрицио Романо ўз ижтимоий тармоқларида хабар бермоқда.
Қайд этилишича, «Атлетико» ушбу таклифдан мамнун эмас. Бироқ Хулиан Альвареснинг ўзи аллақачон «матрасчилар» раҳбариятидан уни «Барселона»га қўйиб юборишларини сўраган.
Альварес Мадрид клубига 2024 йилнинг ёзида «Манчестер Сити»дан ўтган эди. Жорий мавсумда ҳужумчи барча турнирларда 49 та ўйинда майдонга тушиб, 20 та гол урди ва 9 та голли узатмани амалга оширди.
