Германиянинг «Бавария» клуби «Х» ижтимоий тармоғидаги саҳифасида шартнома муддати якунлангани муносабати билан жамоани тарк этаётган ярим ҳимоячи Леон Горецка билан хайрлашди.
«8 йил. 16 та соврин. Мерос. Ҳаммаси учун раҳмат, Леон. Сенинг йўлинг абадий бизнинг тарихимизнинг бир қисми бўлиб қолади», — дейилади клуб хабарида.
31 ёшли Леон Горецка 2018 йилдан бери «Бавария» шарафини ҳимоя қилиб келаётган эди. У клуб билан бирга етти карра Германия чемпиони (2018/2019, 2019/2020, 2020/2021, 2021/2022, 2022/2023, 2024/2025, 2025/2026), уч карра Германия Кубоги соҳиби (2018/2019, 2019/2020, 2025/2026), тўрт карра мамлакат Суперкубоги ғолиби (2018, 2020, 2021, 2025), шунингдек, Чемпионлар лигаси (2019/2020), УЕФА Суперкубоги (2020) ва Клублар ўртасидаги жаҳон чемпионати (2020) ғолиби бўлди.
