«Барселона» яқин соатлар ёки ҳатто дақиқалар ичида ҳужумчи Энтони Гордоннинг жамоа сафига қўшиб олинганини эълон қилади. Журналист Фабрицио Романо ижтимоий тармоқларда хабар беришича, барча керакли ҳужжатлар аллақачон имзоланган. Энди Гордонни «Барселона» футболчиси деб ҳисоблаш мумкин – фақат расмий баёнотни кутиш қолди, холос.
Аввалроқ Гордоннинг шартнома имзолаши кечиктирилгани ҳақида маълумотлар тарқалганди. Кўринишидан, ҳужжатлар билан боғлиқ муаммо бўлса, у тезда ҳал этилган.
Энтони Гордоннинг асосий позицияси — чап қанот вингери. Шунга қарамай, 25 ёшли футболчи ҳужумнинг ўнг қанотида ва марказий ҳужумчи сифатида ҳам ўйнай олади.
