«Barselona» yaqin soatlar yoki hatto daqiqalar ichida hujumchi Entoni Gordonning jamoa safiga qo‘shib olinganini e’lon qiladi. Jurnalist Fabrisio Romano ijtimoiy tarmoqlarda xabar berishicha, barcha kerakli hujjatlar allaqachon imzolangan. Endi Gordonni «Barselona» futbolchisi deb hisoblash mumkin – faqat rasmiy bayonotni kutish qoldi, xolos.
Avvalroq Gordonning shartnoma imzolashi kechiktirilgani haqida ma’lumotlar tarqalgandi. Ko‘rinishidan, hujjatlar bilan bog‘liq muammo bo‘lsa, u tezda hal etilgan.
Entoni Gordonning asosiy pozisiyasi — chap qanot vingeri. Shunga qaramay, 25 yoshli futbolchi hujumning o‘ng qanotida va markaziy hujumchi sifatida ham o‘ynay oladi.
