Мадриднинг «Реал» клуби собиқ юлдузи Иван Эльгера Жозе Моуриньонинг жамоага қайтиши мумкинлиги ҳақида фикр билдирди. Португалиялик мутахассис 2010 йилдан 2013 йилгача жамоани бошқариб, бир қатор совринларни қўлга киритган эди.

«Моуриньо фантастик мураббий бўлган. У буни кўп жойларда исботлаган, аммо ҳақиқат шундаки, у кўп йиллардан бери энг юқори савияда мураббийлик қилгани йўқ. Бу мени хавотирга солмоқда.

Моуриньонинг «Реал»га келиши билан ҳамма нарсада қаттиққўллик қайтиши шарт деб ўйламайман. Шунчаки жамоани яхши бошқариш керак, холос», — дейди Эльгера.

Шунингдек, Эльгера ўз хоҳиши ҳақида гапириб, бош мураббий лавозимида Юрген Клоппни кўришни исташини қўшимча қилди.