«Монца» бир йиллик танаффусдан сўнг яна Италия А Сериясига қайтди. Паоло Бьянко шогирдлари плей-офф босқичида «Катандзаро» билан кечган кескин курашдан сўнг элита йўлланмасини қўлга киритишди.
Иккинчи ўйинда «Монца» 0:2 ҳисобида мағлуб бўлган бўлса-да, биринчи ўйиндаги 2:0 ҳисобидаги ғалаба уларга ёрдам берди. Умумий ҳисоб тенг бўлганлиги сабабли, «Монца» чемпионатда «Катандзаро»дан юқорироқ ўринни эгаллагани учун кейинги босқичга йўл олди.
Эслатиб ўтамиз, «Монца» тарихидаги энг юқори натижа 2022/2023 йилги мавсумда қайд этилган бўлиб, ўшанда жамоа А Серияда 11-ўринни эгаллаганди. Шунингдек, жамоа икки бор Италия Кубогининг чорак финалига қадар етиб борган.
