Аргентинанинг «Ривер Плейт» клуби Мадриднинг «Атлетико» клуби ярим ҳимоячиси Тьяго Альмаданинг вакиллари билан илк музокараларни ўтказди. Olé нашри хабарига кўра, 25 ёшли аргентиналик футболчи клубнинг Жаҳон чемпионати олдидан асосий трансфер мақсади ҳисобланади.

«Атлетико» футболчини 20 миллион евро эвазига қўйиб юборишга тайёр. Таъкидлаш жоизки, унинг Мадриддаги йиллик маоши 3 миллион евродан ошади. Ушбу трансферни молиялаштириш учун «Ривер» таркибни жиддий равишда тозалашни режалаштирмоқда. Клуб Пауло Диас, Фабрисио Бустос, Кевин Кастаньо, Максимилиано Салас ва Жулиано Галоппони сотиш ёки ижарага беришни кўзламоқда. Шунингдек, ёш ўйинчилар Лаутаро Риверо ва Иан Субиабрени сотиш имкониятлари ҳам кўриб чиқилмоқда.

Ўтган мавсумда Альмада клуб миқёсида 40 та ўйинда майдонга тушиб, 4 та гол урди ва 2 та голли узатмани амалга оширди.