Бугун «Арсенал» ва «ПСЖ» Чемпионлар лигаси финалида тўқнаш келади. «Канонирлар» учун бу 20 йил ичидаги илк финал: 2006 йилда лондонликлар Арсен Венгер бошчилигида «Барселона»га имкониятни бой беришганди (1:2).

ОАВ вакиллари «Арсенал»нинг амалдаги бош мураббийи Микель Артетадан бўлажак финал олдидан афсонавий француз мураббийи у билан боғлангани ёки йўқлиги ҳақида сўрашди.

«Йўқ, у мен билан бевосита боғланмади. Арсен қандай инсон эканини яхши биласиз. У халақит беришни истамайди, лекин ҳозир барчамиз нимани ҳис қилаётганимизни биламан. Мен кўплаб собиқ футболчилар билан гаплашдим – улар ҳам бизни қўллаб-қувватлашмоқда. Клубимиз аввал ҳеч кимга насиб этмаган ютуққа эришиш имкониятига эга», — деди Артета матбуот анжуманида.