«ПСЖ» ҳужумчиси Усмон Дембеле Чемпионлар лигаси финалида «Арсенал»га қарши ўйин олдидан парижликларнинг ғалабаси тарихий аҳамиятга эга бўлишини таъкидлади.
«Арсенал» — юқори даражадаги жамоа. Улар АПЛ ва Чемпионлар лигасининг умумий босқичида ғолиб чиқишди. «Канонирлар» ушбу финалга муносиб, улар ажойиб футбол кўрсатишмоқда. Улар ҳар томонлама кучли — ҳам ҳужумда, ҳам ҳимояда. Артета ҳам ажойиб иш олиб борди ва ўз жамоаси билан Премьер-лига титулига лойиқ эканини исботлади.
«ПСЖ» Чемпионлар лигаси финали каби лаҳзалардан завқланади. Бизда совринлар ютишни истайдиган ёш ва ажойиб жамоа бор. Биз барча турнирларда ғалаба қозонишга чанқоқмиз. Чўққида бўлиш учун бундай совринларни бир неча бор ютиш керак. Ўтган йил аҳамиятли бўлди. Биз катта амбицияларга эга ёш жамоамиз. Финалдаги ғалаба тарихий воқеа бўлиши мумкин. Аммо биз диққатни йўқотмаслигимиз керак: «Арсенал» — юқори савияли рақиб», — дея Дембеленинг сўзларидан иқтибос келтиради УЕФА матбуот хизмати.
