«Аталанта» ҳимоячиси Марко Палестра Италия А Сериясидан Англия премьер-лигасига кўчиб ўтиши мумкин. Бу ҳақда инсайдер Николо Скира ижтимоий тармоқлар орқали хабар берди.
Манбага кўра, «Манчестер Сити» футболчининг трансферига қизиқиш билдирмоқда. «Шаҳарликлар» раҳбарияти бергамоликлар билан эҳтимолий битим бўйича музокаралар олиб бормоқда. Италия томони 21 ёшли ўйинчини сотиш орқали 70 миллион евро атрофида маблағ ишлаб олмоқчи.
Ўтган мавсумда Палестра «Кальяри»да ижара асосида тўп сурди. Ҳимоячи 37 та учрашувда иштирок этиб, битта гол ва тўртта голли узатмага муаллифлик қилди. Transfermarkt экспертлари унинг бозор қийматини 35 миллион еврога баҳоламоқда.
