«Бавария» ўтган мавсумни Мюнхен клубида ижара асосида ўтказган ҳужумчи Николас Жексонга миннатдорчилик билдирди.
Мюнхенликлар «Челси»га тегишли бўлган сенегаллик футболчини сотиб олмади. Жексон Бундеслиганинг 23 та учрашувида 8 та гол уриб, 1 та ассистни амалга оширганди.
«Нико, хотираларда мангу қоладиган мавсум учун ташаккур («Бавария» Бундеслига ва Германия кубогини қўлга киритди). Бошимиздан ўтказган барча воқеалар ва қўшган ҳиссанг учун раҳмат!» — дейилади Мюнхен клуби хабарида.













