Франциялик собиқ машҳур футболчи Жереми Алиадьер Чемпионлар лигаси финали олдидан ўз фикрларини билдирди. Бугун, 30 май куни Будапештда бўлиб ўтадиган финалда «ПСЖ» ва Лондоннинг «Арсенал» клублари тўқнаш келишади.

«Арсенал» ҳимояси – Европада, АПЛда ва Чемпионлар лигасида катта фарқ билан энг яхшиси. Агар «ПСЖ»га назар ташласангиз, уларнинг ҳужум чизиғи ҳам анча кучли, Европадаги энг яхшиларидан бири, балки энг зўридир. Бу «ПСЖ» ҳужуми ва «Арсенал» ҳимояси ўртасидаги шиддатли кураш бўлишидан дарак беради», — деди эксперт.

Алиадьер фаолиятининг бир қисми ушбу клуб билан боғлиқ бўлгани учун «канонирлар»га мухлислик қилишини тан олди. Эслатиб ўтамиз, «ПСЖ» ва «Арсенал» жорий мавсумда ўз миллий чемпионатларида олтин медалларни қўлга киритишган.

Учрашув Тошкент вақти билан соат 21:00 да бошланади.