«Ливерпуль» футбол клуби Арне Слотнинг бош мураббийлик лавозимидан кетаётганини расман тасдиқлади.
«Ливерпуль» футбол клуби Арне Слот бош мураббийлик лавозимини тарк этаётганини тасдиқлайди – қарор зудлик билан кучга киради. Ворисни тайинлаш жараёни аллақачон бошланган», – деб баёнот берди клуб.
47 ёшли нидерландиялик мутахассис қўл остида «қизиллар» АПЛнинг 2025/26 йилги мавсумини бешинчи ўринда якунлашди, бироқ Англияга берилган қўшимча йўлланма эвазига жамоа барибир Чемпионлар лигаси йўлланмасини қўлга киритди.
Слот 2024 йилда Юрген Клопп кетганидан сўнг «Ливерпуль» бошқарувига келган эди. Икки йил давомида у клуб билан фақатгина битта соврин — 2024/25 йилги мавсумдаги Англия чемпионлигини қўлга киритди.
Арне Слот инглиз клуби тепасида ўтказган 113 та ўйинда 66 та ғалаба, 18 та дуранг ва 29 та мағлубият қайд этди. Тўплар нисбати эса 227:140 кўринишини олди.
Эътиборли жиҳати, Слот қўл остидаги икки йил ичида «Ливерпуль» 9 нафар янги футболчини сотиб олиш учун жами 523 миллион евро (453 миллион фунт) маблағ сарфлади.
