“Арсенал” клубининг испаниялик дарвозабони Давид Райя бугун оқшом бўлиб ўтадиган УЕФА Чемпионлар Лигаси финал баҳси олдидан мусобақа тарихидаги ноёб натижалардан бирини қайд этиб улгурди. У Европадаги энг нуфузли клублар турнирининг бир мавсумида ўз дарвозаси дахлсизлигини 9 та ўйинда сақлаб қолган тарихдаги тўртинчи посбонга айланди.

Бунгача ЕЧЛнинг бир мавсумида 9 та “қуруқ ўйин” ўтказиш бахтига фақатгина уч нафар дарвозабон муяссар бўлган эди. Ушбу элита рўйхатдан Сантьяго Каньисарес (“Валенсия”, 2000/01), Кейлор Навас (“Реал Мадрид”, 2015/16) ва Эдуар Менди (“Челси”, 2020/21) жой олган.

Агар испаниялик посбон бугунги ҳал қилувчи баҳсда “Пари Сен-Жермен” ҳужумчиларининг зарбаларини бартараф этиб, дарвозасидан тўп ўтказиб юбормаса, мусобақа рекордини янгилайди. Бундай ҳолатда Райя Чемпионлар Лигаси тарихида бир мавсумда 10 та “қуруқ ўйин” ўтказган илк голкипер сифатида мутлақ рекордчига айланади.