Пауло Дибала маошининг сезиларли даражада қисқартирилишига рози бўлди.
La Gazzetta dello Sport хабарига кўра, ҳужумчи «Рома»нинг таклифини қабул қилган ва клуб билан шартномани яна икки йилга узайтиради. Шундан сўнг футболчи катта эҳтимол билан Аргентинага қайтишни режалаштирмоқда.
32 ёшли футболчи аввалгидек йилига 8 миллион евро эмас, балки 2,5 миллион евро ва ўтказилган ўйинлар сонига қараб тўланадиган бонуслар эвазига ўйнашга рози бўлди.
Таъкидланишича, Дибаланинг турмуш ўртоғи уни Аргентинага қайтишга кўндирган, шунингдек, футболчига Туркиядан ҳам таклифлар бўлган. Бироқ Пауло Римда қолишни истади, айниқса, «Рома»нинг Чемпионлар лигасига қайтгани унга туртки берган. Шунингдек, римликлар бош мураббийи Жан Пьеро Гасперини юлдуз футболчи билан шартномани узайтириш кераклигини қатъий талаб қилгани айтилмоқда.
Жорий мавсумда аргентиналик футболчи А Серияда 22 та ўйинда майдонга тушиб, 2 та гол муаллифи бўлди.
