Лондоннинг «Арсенал» клуби собиқ дарвозабони Аарон Ремсдейл Чемпионлар лигаси финалида пенальтилар сериясининг антиқаҳрамонларига айланган Эберечи Эзе ва Габриэль дос Сантосни қўллаб-қувватлади. Инглиз ярим ҳимоячиси ва бразилиялик ҳимоячининг хатолари пенальтилар серияси тақдирини ҳал қилди – ҳар иккиси ҳам ноаниқ зарба берди.
«Мен бу икковлонни яхши кўраман. Нима бўлишидан қатъи назар, сизлар билан фахрланаман. Пенальти ижро этиш учун майдонга чиқишдан қўрқмадингиз. Қолган барчангиз билан ҳам фахрланаман, сизлар албатта қайтасиз!» — деб ёзди ижтимоий тармоқларда ҳозирда «Саутгемптон»дан «Ньюкасл»га ижарага берилган Ремсдейл.
Финал учрашувининг 120 дақиқалик ўйини 1:1 ҳисобида якунланди. Голларга Кай Хаверц ва Усман Дембеле муаллифлик қилишди.
