«ПСЖ» президенти Носир Ал-Хелаифий Чемпионлар лигаси финалида «Арсенал» устидан қозонилган ғалабадан сўнг (1:1, пенальтилар сериясида 4:3) бош мураббий Луис Энрикенинг келажаги ҳақида фикр билдирди.
«У энг яхши мураббий. Мен бу саволга (келажаги ҳақида) аниқ жавоб бера олмайман, лекин мен ҳақиқатдан ҳам аминманки, гап лойиҳада қолган ва у ушбу лойиҳа учун энг муносиб номзоддир», — дея Ал-Хелаифийнинг сўзларидан иқтибос келтиради BBC.
«ПСЖ» Чемпионлар лигасида кетма-кет икки мавсум ғолиб чиққан тарихдаги иккинчи клубга айланди.
Луис Энрике 2023 йилдан буён «ПСЖ»ни бошқариб келмоқда. Мутахассиснинг клуб билан амалдаги шартномаси 2027 йилгача мўлжалланган. Аввалроқ Луис Энрике Европанинг энг нуфузли клуб турнирининг уч карра ғолибига айлангани ҳақида хабар берилган эди. Чемпионлар лигасида ундан кўпроқ ғалабага фақат Карло Анчелотти эришган.
