"Барселона" ярим ҳимоячиси Марк Касадо яқин ойлар ичида жамоани тарк этиши мумкин. 22 ёшли футболчи ўз келажаги ҳақида ўйлашни давом эттирмоқда – якуний қарор тез орада қабул қилиниши кутилмоқда.
Журналист Ферран Мартинеснинг хабар беришича, куни кеча агент Жорже Мендеш Касадонинг хизматларини янги клуб – "Монако"га таклиф қилган. Томонлар испаниялик футболчининг эҳтимолий ўтишини мураббий Филипе Луис бўйича олиб борилган музокаралар чоғида муҳокама қилишган.
Аввалроқ Марк Касадонинг Саудия Арабистонига кўчиб ўтиши мумкинлиги ҳақида хабарлар пайдо бўлган эди.
Футболчининг "Барселона" билан меҳнат шартномаси икки йилдан сўнг якунига етади, унинг трансфер қиймати эса Transfermarkt баҳосига кўра 20 миллион еврони ташкил этади.
