2025/26 йилги мавсум якунларига кўра, УЕФА клублар коэффициентлари рейтинги янгиланди. Унга кўра, Англия чемпионати кетма-кет олтинчи мавсум Европа футболида етакчиликни сақлаб қолди.
Англиянинг ҳукмронлиги Премьер-лига вакиллари жорий мавсумда 119,519 очко жамғаришга муваффақ бўлди. Еворкубокларда иштирок этган тўққизта инглиз клуби мусобақа давомида иккита нуфузли совринни қўлга киритди: «Астон Вилла» Европа Лигасида, «Кристал Пэлас» эса Конференциялар Лигасида чемпионликни расмийлаштирди. Чемпионлар Лигаси финалида эса «Арсенал» «ПСЖ»га қарши кечган драматик баҳсда пенальтилар сериясида (3:4) имкониятни бой бериб қўйди.
Рейтингнинг юқори қисми:
-
Англия — 119,519
-
Италия — 99,946
-
Испания — 97,046
-
Германия — 92,902
-
Франция — 83,498
Португалия нидерландларни ортда қолдирди
Рейтингнинг иккинчи бешлигида ҳам бир қатор ўзгаришлар кузатилди. Хусусан, Португалия (73,166) Нидерландияни (67,929) ортда қолдириб, 6-ўринга кўтарилиб олди. Бунга «Спортинг»нинг Чемпионлар Лигаси чоракфиналигача етиб боргани, ПСВ ва «Аякс»нинг эса плей-офф босқичига чиқа олмагани сабаб бўлди.
Шунингдек, Туркия (51,875) Чехияни (48,525) ортда қолдириб, ўз позициясини яхшилаб олди.
