Мадриднинг «Реал» клуби президенти Флорентино Перес ҳужумчилар Килиан Мбаппе ва Винисиус Жуниорнинг майдонда бир-бирига мос келмаслиги ҳақидаги қарашларга қўшилмаслигини айтди.
— Винисиус ва Мбаппе бирга ўйнай олмайди, деган гапларни эшитганда нима деб ўйлайсиз?
— Бу шунчаки бемаънилик. Уларнинг иккаласи ҳам дунёнинг энг зўр футболчилари. Винисиус биз учун иккита Чемпионлар лигасини ютиб берди. Аммо ҳаддан ташқари кибрланиб кетмаслик керак. Чемпионлар лигасини ҳар йили ютиш мумкин деган ғоя кулгили. Ҳеч ким ҳеч қачон 10 йил ичида 6 марта бу мусобақада ғолиб чиқмаган, — деди Перес El Pais нашрига берган интервьюсида.
Аввалроқ El Mundo нашри «Қироллик клуби» Мбаппе, Винисиус, шунингдек, ярим ҳимоячи Жуд Беллингемни сотиш ниятида эмаслиги ҳақида хабар берган эди.
