«Ливерпуль»нинг собиқ ҳимоячиси Жейми Каррагер Арне Слотнинг истеъфосидан сўнг бўшаб қолган мураббийлик курсисига Андони Ираола келиши мумкинлиги ҳақида ўз фикрини билдирди.
«Унинг жамоалари интенсив футбол ўйнайди ва клуб айнан шу услубга қайтишни истамоқда. У АПЛда ажойиб ишни амалга оширди», — дея Каррагернинг сўзларидан иқтибос келтирмоқда Sky Sports.
Шу билан бирга, эксперт Ираоланинг тайинланиши маълум таваккалчиликлар билан боғлиқ эканини ҳам таъкидлади:
«Асосий савол шундаки, жамоа ҳар 3 кунда ўйин ўтказадиган ҳолатда у бундай интенсивликни сақлаб қола оладими? «Борнмут»да шароитлар мутлақо бошқача эди».
Якунланган мавсумда Ираола бошчилигидаги «Борнмут» ўз тарихида илк бор еврокубокларга йўлланма олди. Жамоа турнир жадвалида олтинчи ўринни эгаллади — бу «Ливерпуль» қайд этган бешинчи ўриндан бор-йўғи бир поғона паст демакдир.
