«Ал-Иттиҳод» Ибраима Конатени ўз сафига қўшиб олмоқчи.

Аввалроқ ҳимоячи «Ливерпуль» билан шартномани узайтирмаслиги маълум бўлган эди. Француз футболчисини текин трансфер (эркин агент) сифатида ўз таркибига қўшиб олиш учун «ПСЖ», «Реал», «Бавария» ва «Челси» клублари даъвогарлик қилаётгани хабар қилинганди.

Foot Mercato нашрига кўра, «Ал-Иттиҳод» франциялик футболчини мудофаа чизиғини кучайтириш учун устувор мақсад деб ҳисобламоқда. Бироқ Саудия клуби учун бу трансферни амалга ошириш осон кечмайди. Жамоа Саудия Арабистони чемпионатида кутилганидан анча паст натижа қайд этиб, 5-ўринни эгаллади. Бундан ташқари, бош мураббий Сержиу Консейсау клубни тарк этишни истаяпти ва унинг кетиши тобора реалроқ кўринмоқда. Шу билан бирга, клуб тузилмасида бир қатор ўзгаришлар, хусусан, Рамон Планес ўрнига янги спорт директори тайинланиши кутилмоқда, унга клубнинг спорт стратегиясини қайта кўриб чиқиш вазифаси юкланади.

Foot Mercato қайд этишича, ушбу вазиятда «Ал-Иттиҳод» Конатега мукаммал тарзда ишлаб чиқилган лойиҳани тақдим этиш қийин кечишини англаб турибди, аммо клуб трансфер бозорида сезиларли муваффақиятларга эришишга қатъий бел боғлаган.