Чемпионлар лигаси финалида «ПСЖ»га қарши ўйинда ҳал қилувчи пенальтидан фойдалана олмаган «Арсенал» ҳимоячиси Габриэл Магальяэс мухлисларга мурожаат қилди. Кеча «канонирлар» нуфузли еврокубок финалида парижликларга имкониятни бой беришди (1:1, пенальтилар сериясида 3:4).
«Бу жуда оғриқли, аммо мен жамоамиз билан ва бу мавсумда биргаликда эришган барча ютуқларимиз билан фахрланаман.
Ҳар бир босқичда бизни қўллаб-қувватлаган мухлисларимиздан миннатдорман. Сиз бу йўлни биз билан биргаликда нишонлашга ва бугунги параддан завқланишга лойиқсиз!
Келаси мавсумда кўришамиз!!!
Сизни севаман, Катта Габи», — деб ёзди Габриэл.
