«Барселона»нинг собиқ футболчиси Иньиго Мартинес собиқ жамоадоши Жерар Мартиннинг ўйини ҳақидаги фикрлари билан ўртоқлашди.

«Жерар ҳимоя марказидами? У биринчи қарашда алоҳида ажралиб турадиган ёки «вау» дейишга мажбур қиладиган футболчилар тоифасидан эмас. Аммо у доим ўз вазифасини бажаради. Унда марказий ҳимояда ўйнаш учун керакли фазилатлар бор. У барқарор ўйинчи, ҳеч қачон ўз даражасини 10 баллик тизимда 6,5 дан тушириб юбормайди — «Барселона»да бундайлар кўп эмас», — дея Мартинеснинг сўзларини келтирди Managing Barca.

Жерар Мартин якунланган мавсумда каталонияликлар сафида 51 та ўйинда майдонга тушди ва битта голли узатмани амалга оширди.