АҚШ терма жамоаси ва «Милан» ҳужумчиси Кристиан Пулишич Сенегалга қарши ўртоқлик учрашувида гол уриб, сўнгги 5 ой ичидаги илк голини нишонлади.
Ўйин бошида Пулишич голли узатмани амалга оширган бўлса, 20-дақиқада Рикардо Пепининг пасидан сўнг дарвозабонни алдаб ўтиб, бўш дарвозани ишғол қилди.
Пулишич сўнгги бор 2025 йилнинг декабрида клуб миқёсида гол урган эди. Терма жамоа сафида эса охирги марта 2024 йилнинг ноябрида рақиб дарвозасини ишғол қилган. Бундай узоқ танаффус йирик турнир олдидан футболчининг спорт формаси борасида саволлар туғдираётган эди.
АҚШ терма жамоаси бош мураббийи Маурисио Почеттино аввалроқ футболчига ишонч билдириб, у жаҳон чемпионатига қадар албатта ўз формасига қайтишини ва жамоанинг муҳим бўлаги бўлишини таъкидлаган эди.













