«Барселона»нинг собиқ ҳимоячиси Иньиго Мартинес Энтони Гордоннинг трансфери ҳақидаги фикрлари билан ўртоқлашди. Каталония клуби яқинда англиялик вингерни «Ньюкасл»дан 80 млн евро эвазига сотиб олганини эълон қилган эди.

«Ҳаммаси «Барселона»га айнан қандай турдаги футболчи керак бўлганига боғлиқ. Менимча, Гордон прессингда яхши, тўп учун кураша олади ва техник жиҳатдан жуда иқтидорли. Аммо бу унинг албатта таркибга кириб кетишини англатмайди. Топ-клубда ўйнаш — бу доим алоҳида босим демакдир ва уни жиддий рақобат кутмоқда. «Барселона»нинг ҳужум чизиғида кўплаб ажойиб футболчилар бор», — дея ҳозирда «Ан-Наср»да тўп тепаётган Мартинеснинг сўзларини келтирди Managing Barca.

Энтони Гордон каталонияликлар билан 2031 йилгача мўлжалланган шартнома имзолади.