«Ювентус» Эмерсон билан шартнома имзолаши мумкин. La Gazzetta dello Sport нашрининг хабар беришича, Лучано Спаллетти ўз жамоасида синалган ва ўзига содиқ, ишониш мумкин бўлган футболчиларни кўришни истамоқда. 67 ёшли мутахассис учун маълум маънода бу жиҳат футболчиларнинг статистикасидан кўра муҳимроқ ҳисобланади.

Эндрю Робертсон билан келишув амалга ошмагач, туринликлар эътиборини «Марсель» ҳимоячисига қаратди. Мураббий у билан вақтида «Рома»да бирга ишлаган.

Спаллетти Эмерсон билан ҳали «Наполи»ни бошқариб юрган пайтларидаёқ яна ҳамкорлик қилишни истаган эди. 31 ёшли футболчи ҳам Франциядан Италияга мамнуният билан қайтган бўларди.

Якунланган мавсумда Италия терма жамоасининг собиқ ҳимоячиси Лига 1'да 28 та ўйинда майдонга тушди ва 3 та голли узатмани амалга оширди.