«Yuventus» Emerson bilan shartnoma imzolashi mumkin. La Gazzetta dello Sport nashrining xabar berishicha, Luchano Spalletti o‘z jamoasida sinalgan va o‘ziga sodiq, ishonish mumkin bo‘lgan futbolchilarni ko‘rishni istamoqda. 67 yoshli mutaxassis uchun ma’lum ma’noda bu jihat futbolchilarning statistikasidan ko‘ra muhimroq hisoblanadi.

Endryu Robertson bilan kelishuv amalga oshmagach, turinliklar e’tiborini «Marsel» himoyachisiga qaratdi. Murabbiy u bilan vaqtida «Roma»da birga ishlagan.

Spalletti Emerson bilan hali «Napoli»ni boshqarib yurgan paytlaridayoq yana hamkorlik qilishni istagan edi. 31 yoshli futbolchi ham Fransiyadan Italiyaga mamnuniyat bilan qaytgan bo‘lardi.

Yakunlangan mavsumda Italiya terma jamoasining sobiq himoyachisi Liga 1'da 28 ta o‘yinda maydonga tushdi va 3 ta golli uzatmani amalga oshirdi.