Аргентиналик тажрибали ҳимоячи Николас Отаменди ўз ватанига қайтишга қарор қилди ва «Ривер Плейт» футболчисига айланди. У клуб билан 2027 йилнинг охиригача шартнома имзолади. Жанубий Америкада ўйинлар «баҳор-куз» тизимида ўтказилгани сабабли, шартномалар одатда мавсумларга эмас, йилларга қараб тузилади.
«Ривер Плейт» мухлиси сифатида бу мен учун тушимнинг амалга ошишидир. Ушбу стадионда тезроқ майдонга тушишни интизорлик билан кутяпман. Мен учун бу дунёдаги энг яхши либос. Оилам ҳар доим «Ривер Плейт»га мухлислик қилган», — дея футболчининг сўзларини келтиради derbyderbyderby.it.
Эслатиб ўтамиз, Николас Отаменди Европанинг «Валенсия», «Порту», «Манчестер Сити» ва «Бенфика» каби номдор клубларида тўп тепган.
