Испания терма жамоаси ярим ҳимоячиси Родри 2026 йилги Жаҳон чемпионатидан кутилмалари билан ўртоқлашди.
«Фаворит бўлиш ёки бўлмаслик унчалик катта аҳамиятга эга эмас. Ҳаммаси ҳозирги пайтда қандай ўйин кўрсатаётганингизга боғлиқ. Евро-2024да биз фаворит эмасдик, аммо ғалаба қозондик. Биз бунга унчалик ҳам эътибор қаратмагандик.
Бу Жаҳон чемпионати энг қийини бўлади. Қўшимча раунд бўлади ва кўплаб жамоалар иштирок этади. Юкламани тўғри тақсимлаш асосий омил бўлади. Муҳим ўйинларга аъло даражадаги формада етиб келиш керак.
Мен бошқа жамоаларни кузатишни, улар қай даражада эканини ва ўйинлар нималарни олиб келишини кўришни яхши кўраман. Плей-офф босқичларида энг муҳими – вазиятдан унумли фойдаланиш. Мен буни жамоадошларимга сингдиришга ҳаракат қиляпман.
Энди ўзимизни кўрсатиб қўйганимиздан сўнг, дунёдаги энг яхшиси эканимизни исботламоқчимиз. Бу бизнинг асосий мақсадимиз», – деди «Манчестер Сити» футболчиси.
