Ёзнинг биринчи кунида «Transfermarkt» машҳур портали Франция чемпионати футболчиларининг трансфер қийматларини янгилади.

Сўнгги янгиланишлар натижасига кўра, «ПСЖ» вингери Хвича Кварацхелия нархи энг кўп ошган футболчига айланди. Унинг тахминий қиймати 50 миллион еврога ўсиб, 140 миллион еврога етди.

Аввалроқ Хвича Кварацхелия энди дунёнинг энг қиммат 10 нафар футболчиси сафига киргани ҳақида хабар берган эдик.

Лига 1 да нархи энг кўп ошган футболчилар рейтингида иккинчи ўринни Кварацхелиянинг уч нафар жамоадоши бўлишиб олди, уларнинг ҳар бири 30 миллион еврога қимматлашди. Булар: Витинья (янги нархи – 140 миллион евро), Жоау Невеш (140 млн) ва Дезире Дуэ (120 млн).