Yozning birinchi kunida «Transfermarkt» mashhur portali Fransiya chempionati futbolchilarining transfer qiymatlarini yangiladi.

So‘nggi yangilanishlar natijasiga ko‘ra, «PSJ» vingeri Xvicha Kvarasxeliya narxi eng ko‘p oshgan futbolchiga aylandi. Uning taxminiy qiymati 50 million yevroga o‘sib, 140 million yevroga yetdi.

Avvalroq Xvicha Kvarasxeliya endi dunyoning eng qimmat 10 nafar futbolchisi safiga kirgani haqida xabar bergan edik.

Liga 1 da narxi eng ko‘p oshgan futbolchilar reytingida ikkinchi o‘rinni Kvarasxeliyaning uch nafar jamoadoshi bo‘lishib oldi, ularning har biri 30 million yevroga qimmatlashdi. Bular: Vitinya (yangi narxi – 140 million yevro), Joau Nevesh (140 mln) va Dezire Due (120 mln).