Франциялик журналист Бенжамен Куаре россиялик дарвозабон Матвей Сафоновнинг «ПСЖ»даги келажаги ҳақида ўз фикрини билдирди.

«Менга маълум бўлишича, «ПСЖ» Сафоновга яхшиланган шартлар асосида шартномани узайтиришни таклиф қилади. Бу яқин вақт ичида содир бўлиши керак», — деб келтиради журналистнинг «Le Parisien» нашридаги сўзларини «РБ Спорт».

Манбанинг таъкидлашича, россиялик футболчининг Париж топ-клуби билан тузадиган янги меҳнат келишуви 2031 йилнинг ўрталаригача мўлжалланади. Томонлар ўртасидаги амалдаги шартнома 2029 йилнинг ёзида ўз ниҳоясига етади. Ўтган мавсумда Сафонов 27 та ўйинда майдонга тушиб, ўз дарвозасидан 28 та тўп ўтказиб юборди.