Таянч ярим ҳимоячиси Жоау Палинья Лондоннинг «Тоттенхэм» клубида қолишни истамоқда. Бу ҳақда инсайдер Фабрицио Романо хабар берди.

Манбага кўра, Пальинья «шпорлар»нинг янги бош мураббийи Роберто Де Дзерби билан яхши муносабат ўрнатган. Агар «Тоттенхэм» билан келишув амалга ошмаса, Португалиянинг «Спортинг» клуби вазиятга аралашишга тайёр. Шунга қарамай, 30 ёшли ярим ҳимоячи учун айнан «Тоттенхэм» устувор вариант бўлиб қолмоқда.

Англия клуби Пальиньяни ўтган йилнинг август ойида «Бавария»дан ижарага олган эди. «Шпорлар» сафида ярим ҳимоячи барча мусобақаларда 45 та учрашувда майдонга тушиб, рақиблар дарвозасини 7 марта ишғол қилди ва 3 та голли узатмани амалга оширди.