Tayanch yarim himoyachisi Joau Palinya Londonning «Tottenxem» klubida qolishni istamoqda. Bu haqda insayder Fabrisio Romano xabar berdi.
Manbaga ko‘ra, Palinya «shporlar»ning yangi bosh murabbiyi Roberto De Dzerbi bilan yaxshi munosabat o‘rnatgan. Agar «Tottenxem» bilan kelishuv amalga oshmasa, Portugaliyaning «Sporting» klubi vaziyatga aralashishga tayyor. Shunga qaramay, 30 yoshli yarim himoyachi uchun aynan «Tottenxem» ustuvor variant bo‘lib qolmoqda.
Angliya klubi Palinyani o‘tgan yilning avgust oyida «Bavariya»dan ijaraga olgan edi. «Shporlar» safida yarim himoyachi barcha musobaqalarda 45 ta uchrashuvda maydonga tushib, raqiblar darvozasini 7 marta ishg‘ol qildi va 3 ta golli uzatmani amalga oshirdi.
