Ўтган мавсумни «Кальяри»да ижарада ўтказган «Аталанта»нинг 21 ёшли қанот ҳимоячиси Марко Палестра фаолиятида ўсишга эришиши мумкин. Инсайдер Николо Скиранинг хабарига кўра, «Аталанта» Палестранинг нархини ўзгартирмаган: клуб унинг трансферидан икки ой аввал эълон қилинганидек 50 миллион евро ишлаб олмоқчи.

Айни дамда ҳимоячи «Интер»нинг асосий нишони ҳисобланади, аммо «Ньюкасл» ҳам унга катта қизиқиш билдирмоқда. Ўтган мавсумда Палестрани кузатиб борган «Арсенал» ва «Манчестер Сити» клублари аллақачон «Аталанта»дан футболчи борасида маълумот сўрашган.

2025/26 йилги Италия чемпионатида Палестра 37 та ўйинда майдонга тушиб, 1 та гол урди ва шерикларига 4 та голли узатмани амалга оширди.