O‘tgan mavsumni «Kalyari»da ijarada o‘tkazgan «Atalanta»ning 21 yoshli qanot himoyachisi Marko Palestra faoliyatida o‘sishga erishishi mumkin. Insayder Nikolo Skiraning xabariga ko‘ra, «Atalanta» Palestraning narxini o‘zgartirmagan: klub uning transferidan ikki oy avval e’lon qilinganidek 50 million yevro ishlab olmoqchi.

Ayni damda himoyachi «Inter»ning asosiy nishoni hisoblanadi, ammo «Nyukasl» ham unga katta qiziqish bildirmoqda. O‘tgan mavsumda Palestrani kuzatib borgan «Arsenal» va «Manchester Siti» klublari allaqachon «Atalanta»dan futbolchi borasida ma’lumot so‘rashgan.

2025/26 yilgi Italiya chempionatida Palestra 37 ta o‘yinda maydonga tushib, 1 ta gol urdi va sheriklariga 4 ta golli uzatmani amalga oshirdi.