«Арсенал» «Атлетико» ҳужумчиси Хулиан Альваресни сотиб олишга уриниб кўрмоқчи. AS нашрининг хабар беришича, инглиз клуби раҳбарияти аргентиналик форвард трансфери бўйича мадридликлар билан музокараларни бошлашга ҳозирлик кўрмоқда.
Альварес анчадан буён «канонирлар»нинг эътиборида бўлиб келган ва лондонликлар шу ёз футболчининг номзодига қайтишни режалаштирмоқда. Шу билан бирга, «Атлетико»нинг позицияси ўзгаришсиз қолмоқда: клуб кейинги мавсумда ҳужумчига ишонч билдирмоқда ва уни сотишдан манфаатдор эмас.
Футболчига «ПСЖ» ва «Барселона» ҳам қизиқиш билдираётгани маълум. Аввалроқ матбуотда футболчи «Атлетико»ни тарк этишни хоҳлаётгани ҳақида маълумотлар пайдо бўлган эди.
