Мюнхеннинг «Бавария» клуби бош мураббийи Венсан Компани ПСВ ярим ҳимоячиси Исмаэль Сайбарини сотиб олишга розилик берди. Бу ҳақда инсайдер Фабрицио Романо хабар бермоқда.
Манбага кўра, айни пайтда клублар музокаралар олиб боришмоқда. Таъкидланишича, битим ПСВ футболчи учун қанча маблағ талаб қилишига боғлиқ бўлади.
Ўтган мавсумда 25 ёшли Сайбари барча мусобақаларда 37 та учрашувда майдонга тушиб, рақиблар дарвозасини 19 марта ишғол қилди ва 9 та голли узатмани амалга оширди. Нуфузли Transfermarkt интернет-портали экспертлари Сайбарининг қийматини 40 миллион еврога баҳоламоқда.













