Инсайдер Фабрицио Романо Лиссабоннинг «Бенфика» клуби ва мураббий Марку Силва ўртасидаги шартнома тафсилотлари билан бўлишди.

Манбанинг ижтимоий тармоқлардаги хабарига кўра, Силванинг шартномаси 2028 йилнинг июнига қадар мўлжалланган бўлиб, уни яна 2029 йилгача узайтириш имконияти ҳам мавжуд.

Аввалроқ «Фулхэм» клуби португалиялик мутахассиснинг кетишини расман эълон қилган эди. У 10 йиллик фаолиятидан сўнг ўз юртига қайтмоқда. Силва мураббийлик фаолияти давомида «Халл Сити» (2017), «Уотфорд» (2017-2018), «Эвертон» (2018-2019) ва «Фулхэм» (2021-2026) жамоаларини бошқарган.

АПЛнинг якунланган мавсумида «Фулхэм» Силва бошчилигида 11-ўринни эгаллади, жамоа еврокубок зонасидан атиги бир очко ортда қолди.