«Кристал Пэлас» ҳужумчиси Жан-Филипп Матета фаолиятини Италияда давом эттириши мумкин. Журналист Экрем Конурнинг хабар беришича, «Ювентус» франциялик футболчини ўз сафига қўшиб олишдан манфаатдор. Турин клуби ҳужумчининг трансферини шу ёздаёқ расмийлаштирмоқчи.
Жан-Филипп Матета 2022 йилда «Майнц»дан «Кристал Пэлас»га 11 миллион евро эвазига ўтган эди. Унинг шартномаси 2027 йилнинг 30 июнигача амал қилади. 2025/26 йилги мавсумда ҳужумчи инглиз клуби сафида барча мусобақаларда 50 та ўйинда майдонга тушиб, 16 та гол урди ва учта голли узатмани амалга оширди. Transfermarkt портали Матетанинг қийматини 35 миллион еврога баҳоламоқда.
