Миланнинг «Интер» клуби ўнг қанот ҳимоячиси Дензел Дюмфрис «Ливерпуль»га ўтишдан бош тортди. Инсайдер Фабрицио Романонинг хабар беришича, инглиз гранди охиригача 30 ёшли футболчи учун курашдан чиқмаган бўлса-да, ўйинчи музокаралар олиб боришни истамади. Гап шундаки, нидерландиялик футболчи «Реал»га ўтишга қарор қилган ва Мадрид клубига аллақачон розилик билдирган.
Дюмфриснинг «нерадзуррилар» билан тузган шартномасида 20 миллион евро миқдорида товон пули белгиланган бўлиб, испан клуби айнан шу имкониятдан фойдаланди. «Ливерпуль» ушбу латерал (қанот ҳимоячиси) учун қишқи трансфер ойнасида ҳам даъвогарлик қилган, бироқ ўшанда иш расмий таклифгача етиб бормаган эди.
