Инсайдер Фабрицио Романо «X» ижтимоий тармоғида «Манчестер Юнайтед» ярим ҳимоячи Эдерсоннинг трансфери бўйича «Аталанта» билан келишувга эришганини маълум қилди. Шартнома 2031 йилгача имзоланади.
26 ёшли бразилиялик футболчи инглиз клубининг ёзги илк трансфери бўлади. Шу билан бирга, «Манчестер Юнайтед» яна камида битта ярим ҳимоячи билан шартнома имзолашни режалаштирмоқда.
Аввалроқ «ESPN» нашри «МЮ» Эдерсоннинг трансфери учун тахминан 40 миллион евро тўлаши ҳақида ёзган эди. «Transfermarkt» портали футболчининг трансфер қийматини 40 миллион еврога баҳоламоқда.
Эдерсон 2022 йилнинг июль ойидан буён «Аталанта» сафида тўп суриб келаётган эди. 2025/26 йилги мавсумда у 41 та ўйинда иштирок этиб, учта гол урди ва иккита голли узатмани амалга оширди.
