«Манчестер Юнайтед» ярим ҳимоя марказини кучайтирмоқчи.

«The Athletic» хабарига кўра, манкунианликлар Алекс Скоттга қизиқиш билдирмоқда ва 22 ёшли англиялик футболчи ҳақида сўровлар юборган. «Борнмут» эса хавбек билан шартномани узайтириш борасида музокара олиб бормоқда, шу сабабли бу трансфер амалга ошиши амримаҳол кўринмоқда.

Шунингдек, «МЮ» «Вест Хэм» вакили Матеуш Фернандешни ҳам кузатмоқда. Қайд этилишича, «Юнайтед» аллақачон португалиялик футболчининг потенциал трансфер нархи ва маошини муҳокама қилган.

Клуб эътиборини тортаётган яна бир ўйинчи — «Мидлсбро»дан Хэйден Хэкни. У мақсадлар рўйхатида юқоридаги футболчилардан пастроқ ўринда туради ва «Эвертон»га ўтишни афзал кўрмоқда.