«Manchester Yunayted» yarim himoya markazini kuchaytirmoqchi.

«The Athletic» xabariga ko‘ra, mankunianliklar Aleks Skottga qiziqish bildirmoqda va 22 yoshli angliyalik futbolchi haqida so‘rovlar yuborgan. «Bornmut» esa xavbek bilan shartnomani uzaytirish borasida muzokara olib bormoqda, shu sababli bu transfer amalga oshishi amrimahol ko‘rinmoqda.

Shuningdek, «MYU» «Vest Xem» vakili Mateush Fernandeshni ham kuzatmoqda. Qayd etilishicha, «Yunayted» allaqachon portugaliyalik futbolchining potensial transfer narxi va maoshini muhokama qilgan.

Klub e’tiborini tortayotgan yana bir o‘yinchi — «Midlsbro»dan Xeyden Xekni. U maqsadlar ro‘yxatida yuqoridagi futbolchilardan pastroq o‘rinda turadi va «Everton»ga o‘tishni afzal ko‘rmoqda.