Мадриднинг «Реал» клуби ҳужумкор ярим ҳимоячиси Сесар Паласиос фаолиятини Италияда давом эттириши мумкин. Инсайдер Жанлука ди Марцио хабар беришича, 21 ёшли футболчи учун курашда «Комо» ва «Удинезе» иштирок этмоқда.

Тахминларга кўра, битимга худди Николас Пас трансферида бўлгани каби, арзон нархда қайтариб сотиб олиш опцияси киритилади.

Сесар Паласиос ўтган мавсумда «Қироллик клуби»нинг асосий таркибида еттита ўйинда майдонга тушди. «Реал»нинг ўринбосарлар жамоаси — «Кастилья» сафида эса у 36 та ўйинда 16 та гол ва 5 та голли узатма билан ажралиб турди. «Transfermarkt» сайти футболчини 6 миллион еврога баҳоламоқда.