Миланнинг «Интер» клуби ўнг қанот ҳимоячиси Дензел Дюмфрис яқин орада Мадриднинг «Реал» клубига ўтади. Испания гранди нидерландиялик футболчининг «нерадзуррилар» билан шартномасида кўрсатилган 20 миллион евролик товон пули бандидан фойдаланади. Футболчининг ўзи билан аллақачон келишувга эришилган.
Инсайдер Фабрицио Романонинг маълумотларига кўра, Дюмфрисни сотиб олиш ғояси «Реал»да якдиллик билан маъқулланган: ҳимоячи номзодини клуб президенти Флорентино Пересдан тортиб, жамоанинг бўлажак мураббийи Жозе Моуриньогача бўлган барча мутасаддилар қўллаб-қувватлаган.
Қолаверса, португалиялик мураббий айнан ушбу футболчини имзолашга алоҳида иштиёқ билан талаб қўйган. Яқин вақт ичида Дензел Дюмфрис тиббий кўрикдан ўтиши керак, шундан сўнг трансфер расман расмийлаштирилади.
